曹仁超: 唔懂節流，無藥可救

理念投資法須經三個階段

成為億萬富豪，必須有正確思想（right frame of mind），知道何時進攻、何時防守，明白投資唔係遊戲，買股票唔係買六合彩。人人講「理財」，其實「理念」更為重要！窮家子弟懂事早，唔使人教已知理財 不外開源節流；普通打工仔又點樣節流？懂得節流，窮表不窮裏（外表貧窮，其實唔窮）；唔懂節流，無藥可救。未學理財先學節流，有咗節流，自然有「財」，然 後才學投資。投資唔係炒股票、炒期指、炒外滙，上述都係短期獲利、長期損失慘重嘅方式。首先要學睇方向，如方向錯誤，其他方面已唔重要，例如1997至 2003年樓市下降期，你有冇逃避風險？2000年TMT股泡沫爆破時，你有冇止蝕離場？今年方向係點？貝南奇話係黃金歲月（上落市），格蛇話今年底有三 分一機會衰退。你信邊個？你嘅理念（capital idea）又如何？

（信報：二零零七年三月十七日 理财投资「曹仁超——投資者日記」）