偏高水平入市代價高

曹仁超

（信報：二零零七年一月十八日第十七版）

今年人民幣再升值[口既]幅度同速度，或會超過去年，係家[口下]流動性資金泛濫[口既]最大成因。[口系]貿易順差繼續創新高[口既]局面下，短期內難以根治。以基礎分析，A股已偏離合理價，客觀形勢系股票短期難以驟然擴大供應，流入股市[口既]資金卻源源不絕，每日一千億元[口既]超大成交繼續支持A股股價，內地投資者唔明白股價上升隻係紙上富貴，只有隻套[口左]現才係真金白銀。1973年香港唔少人經歷過紙上富貴，到1974年12月已煙消雲散；1997年更多人用市價計自住物業[口既]價值，以為自己擁有一千幾百萬財富，2003年才知道原來自己系負資產。作為賭徒，一天未離開賭[木台]，唔好計自己有幾多身家；作為投資者，一天未套現，所謂財富都隻系紙上富貴，唔係真金白銀。內地A股估值係咪合理？各有各睇。高盛報告認為，內地A股[口既]今年仲可再升 25％。

中國GDP未來十年如保持依家[口既]速度增長，2016年將超越日本，到2031年將超越美國。1986年北京著名歌星崔健[口係]北京工人體育館唱《一無所有》，到2006年短短二十年，中國創造[口左]兩個「一萬億美元」[口既]紀錄，外匯儲備打破一萬億美元，內地A股總值亦超過一萬億美元。中國前景當然睇好，因為二十一世紀係中國[口既]，一如二十世紀係美國[口既]一樣。如果你[口係]1929年9月30日投資美股，當天道指381.17，整個三十年代及四十年代你都幾悲慘；上述指數到1954年才打破。七十年代睇好香港亦好正確，但如閣下[口係]1973年3月9日恆生指數1774點時入市，下一次恆生指數升穿 1800點之時系1980年5月。睇好中國[口既]分析唔使爭拗，但[口係]偏高水平入市，代價可以好大。

當上海人將屋契[羅]去當舖當、當中國人買平治汽車要輪候九個月（香港上一次買平治汽車要等九個月，系1997年8月），肯定有D唔妥。2007年中國人系咪一如1990年日本人？1990年曾見過唔少日本女士[口係]中環置地廣場排隊買LV手袋，今天亦有唔少內地女士去尖沙嘴海港中心選購LV手袋，人山人海，何其壯觀也。

花旗亞太區首席經濟學家黃益平預計，中國人民銀行今年第一季將再度上調存款准備金率，繼續遏制國內市場過多[口既]流動資金。


2003 年中國連續四年GDP平均增長率[口系]10％以上，同期CPI升幅分別隻有3％、3.9％、3％及不足2％。連續四年高增長低通脹，[口系]中國歷史上比較長，甚至外國亦好少見。今年又點？近期糧價升幅唔細，而糧價佔中國CPI三分一。中國眼前經濟問題唔係GDP增長率，而係非均衡發展。出現非均衡發展系結構性問題，例如制造業本身生命周期已進入衰退期，開始進入重工業及技術進步、資本密集期，但中國卻擁有七億勞動人口。[口系]八十年代，中國GDP每增長一個百分點，就帶來二百四十多萬個就業職位；依家GDP每上升一個百分點，隻帶來九十多萬個崗位……。工業進入重工化、技術進步化及資本密集化，需要[口既]係高質素工人，中國卻缺乏職業訓練學校；反之，大學教育卻唔少，大量培養出大學生，到社會卻搵唔到工作，市場上需要[口既]專業人才，中國培養出來[口既]又唔多。今年中國經濟就系面對呢種情況。2003年至今，中國[口既]固定資產投資上以超過25％速度增加，但消費需求遠遠追唔上，結果生產出來[口既]產品隻有低價出口到海外，造成大量外貿盈余及流動資金過剩。上述情況[口係]日本、南韓經濟發展史上皆出現過，處理唔好可以出亂子。講到內需，其實就係收入分配。中國十三億人口中，60％系農村人口，大多數人[口係]過去十年收入其實沒顯著增加，形成內需不足；加上教育費同醫療費過去十年大幅上升，形成儲蓄率偏高，結果資金都涌去房地產及股票市場大炒特炒。上述唔係短期問題，如處理得唔好可以好濕滯。如人民幣大幅升值，將影響出口，繼而影響七億勞動人口生計，所以人民幣唔能夠大幅升值；但每年隻升5％，作用又唔大。另一問題係制造業升級走向重工化、技術進步、資本密集化，但中國人口素質未能提升，又應付唔[口黎]。雖然中國人行已一再收緊銀根，但流動性資金實在太多，無法阻止其流入樓市及股市。可以講今年中國經濟已進入喜中帶憂期，最后能否逃過Boom & Bust命運？我老曹木宰羊。

http://blog.cnfol.com/sl68168/default.html